Oct 8 aṭangin MPL U18
Mizoram Premier League Under 18 inelna chu October 3-a khelh turin ruahmanna siam zet ni mah se October 8 atan sawn hlat a ni.
Inelna hi Lammualah khelh ṭhin tur a ni a, MPL club pariat Chhinga Veng FC, Aizawl FC, Mizoram Police, Chanmari FC, Electric Veng FC, Chawnpui FC, Ramhlun North leh FC Venghnuai Under 18 player-te an inel ang. Kumin inlena hi January 1, 2001 leh a hnu lama piang chin tan a ni a, champion lai chu Chhinga Veng an ni. Chhingcows hian MPL7 Under 18 final-ah Mizoram Police 3-0 a hnehin an champion.
MPL Under 18 champion tawhte
Season Champion Pahnihna
MPL1 U17 Chanmari FC Dinthar FC
MPL2 U17 Chanmari FC Dinthar FC
MPL3 U18 Mizoram Police Dinthar FC
MPL4 U18 Mizoram Police Dinthar FC
MPL5 U18 Bethlehem VT Chanmari West FC
MPL6 U18 Chhinga Veng Dinthar FC
MPL7 U18 Chhinga Veng Mizoram Police