Sabalenka-i'n title humhim

Aryna Sabalenka chuan Alison Riske hnehin Wuhan Open nomawi a kawl lai a humhim a, hmeichhe tennis player zingah ani chiah hi Wuhan Open title a zawna la thei a la ni.

Sabalenka hian hnehna chang turin harsatna a tawk lo, minute 54 chhung lekin 6-3, 3-6, 6-1 in hnehna a chang. Vawi ruk aces a siam bakah set a lak dawn ṭum hian a khingpui service hi vawi hnih ve ve a chhuhsak. Kum 21 mi Sabalenka chuan, "Hlimna nasa tak ka chunga rawn thleng leh ta hi ka vannei hle. Ka tan chuan Asia rama inkhelh hi a nuam a, a bik takin China hi a nuam zual, nakkumah pawh harsatna nei loa inlan leh theih ngei ka beisei," tiin a sawi.