Bucks ngam loh James awmna Lakers
Los Angeles Lakers chuan khualmuala an record ṭha an chhawmnung zel. Nimin zing NBA regular season inkhelah Lakers hian Milwaukee Bucks chu 113-106 in an hneh.
Lakers tan hian LeBron James-a'n point 34 neiin tun season bika point a neih hnem ber ṭum a tawng. NBA champion hian tun season kal laiah khualmuala match riat an khelh tawhah hnehna an la chang vek.
Inkhel dangah Utah Jazz chuan New Orleans Pelicans 129-118 in an hneh a, tun hnai an match hnuhnung pasarih zetah hnehna an chang tawh. Jazz tan hian Donovan Mitchell-a'n point 36 a neih bakah rebound vawi sarih lain a thawhhlawk hle.
Nimin NBA Results
Los Angeles Lakers 113 - 106 Milwaukee Bucks
New York Knicks 119 - 104 Golden State Warriors
Utah Jazz 129 - 118 New Orleans Pelicans