Neuer-a'n record a siam dawn?
Bayern Munich goalkeeper Manuel Neuer-a'n Bundesliga huanga goal chhuah lohna match 'clean sheet' neih hnem lamah Oliver Kahn (196) a nih rual tawh a, record thar siam thei dinhmunah a ding.
German champion Bayern hian Pathianni zan dar 8:00 hian Schalke an lenchilh dawn, goal an chhuah lo a nih chuan kum 34 mi Neuer hi German football inelna sanga cleansheet nei hnem ber a ni dawn.
Germany internatonal hian Kahn-a record nihrual turin vanneihna a mamawh tel, an match hnuhnung bera Augsburg an hneh ṭumin Alfred Finnbogason-a penalty pet chuan goal ban a per hlauh a, an khingpui goal khung tur ṭha taka taka a dan erawh sawi nep theih a ni lo.
Neuer chuan, "A ṭha ber nih ka tum a, chumi tur chuan theihtawp ka chhuah ṭhin. Engtik niah emaw chuan record ka siam hun a lo la thleng mai thei a, chu record ngei pawh chu tu in
emaw an la rawn khum ve leh thei bawk," a ti.
Bundesliga season kal laiah Bayern Munich hi champion tura rinkai ber an ni mek. Point 39 hmuin a chung berah an awm, anmahni hnaih bertu RB Leipzig aiin point liin an sang zawk.
German - Bundesliga
Zanin Inkhel Tur
Bayer Leverkusen 08:00 PM Wolfsburg
Freiburg 08:00 PM Stuttgart
Mainz 05 08:00 PM RB Leipzig
Augsburg 08:00 PM Union Berlin
Arminia Bielefeld 08:00 PM Eintracht Frankfurt
Hertha BSC 11:00 PM Werder Bremen
January 24, Pathianni
Schalke 04 8:00 PM Bayern Munich
Hoffenheim 10:30 PM Cologne