Sindhu-i'n quarterfinal a lut

Toyota Thailand Open 2021 khelh laiah PV Sindhu chuan quarterfinal a inhlangkai. Indian player dang HS Prannoy erawhin mipa singles huangah a thiam pariat zingah a lut thei lo.

Ningani zan inkhelah Sindhu hian a khingpui Kisona Selvaduray chu 21-10, 21-12 in a hneh. Rio Olympic silver medalist hian Malaysian nula hneh turin minute 35 bak a mamawh lo a ni.

Nizan khan Sindhu leh Thailand star Ratchanok Intanon an inhmachhawn zui a, result erawh kan hre hman lo. Sindhu hian Selvaduray hma hian a match hmasa zawkah Busanan Ongbamrungphan a lo hneh tawh bawk.

Sindhu a chak laiin mipa inelna lamah erawh Prannoy a che fuh lo. India tlangval hi Malaysian player Liew Daren nen minute 40 chhung an inkhelh hnuah 17-21, 18-21 in a chak zo lo.