Williams-in beisei an nei sang

Formula 1 season thar a hnai a, team tinin ṭan an khawh nasa hle. Season hmasa lama beisei phak lo Williams chuan team inelna leh driver championship lamah pawh nasa taka hmasawn an inbeisei.

Williams hian Thawhṭanni khan an car hman tur FW43 an pho chhuak a, tun kar tawp hian Barcelona lamah pre season an hmang zui ang - inelna tak erawh March thlaah neih ṭan tur a ni thung.

Deputy team boss Claire Williams chuan, "Season thar chu hmasawnna neih kan beisei, team dang el phak kan nih theih nan kan thawkrim em em a, a rah chhuah kan hmuh ngei ka ring.

"Mimal tinin hlawh-tlinna chan duhna thinlung kan nei, kumtir aṭang hian a bul ṭan fuh kan tum ang," a ti. Design director Doug McKiernan pawhnin an car thar FW42 chu team dang el turin a ṭhat tawk thu a sawi ve bawk.