Asish Rai leh Yasir tan contract thar

Indian Super League-a an season hmasa bera table mawngphaha season khar tur Hyderabad FC chuan season thar an thlir ṭan leh der tawh a, an player ṭhangduang Mohammad Yasir leh Asish Rai-te chu contract thar an ziahpui. 

Bengaluru boss hlui Albert Roca chuan Hyderabad club hi season thar aṭangin a enkawl ṭan dawn a, a player duh zawng chelh leh lakluh kawngah a ṭuan a rang hle - player pahnih hian 2023 thleng khel turin contract thar hi an ziak a ni. 

Kum 21 mi Rai hi midfielder niin tun season-ah league match 13 a khel a, amah ang thoa kum 21 mi Yasir hi defender ni thungin match 14 a khel tawh thung. 

Hyderabad club hian January khan Liston Colaco (FC Goa) leh Souvik Chakrabarti (Mumbai City FC)-te an lalut tawh bawk a, season tharah ropui an tum hle.