Spain Masters lamah Saina leh Srikanth

Saina Nehwal leh Kidambi Srikanth ten season hmasa an hmang ṭha tawk lo a, kuminah pawh result ṭha an nei hleithei chuang lo. Olympic khel phak turin ranking siamṭhat an mamawh, tun kar chhunga khelh tur Barcelona Spain Masters-ah an inlan ang.

Saina hian kuminah tournament pathum khel tawhin, inelna pakhatah chiah first round a paltlang - tunah hian world ranking lamah pawh 18-na dinhmun a luah 

phak hram.

Olympic khel tur hian inelna neih hma kum khat chhunga an ranking point hmuh chauh chhiar a ni, hetianga chhiar a nih chuan Saina hi 22-na niin, world number 1 hlui Srikanth pawh 26-na dinhmun a luah phak hram chauh a ni.

BWF Olympic qualification dan leh hrai ang chuan, kumin April thlaa ranking sang zual 16 bakah mipa leh hmeichhe singles huangah chuan player pahnih ve ve chiah an inlan thei dawn; Indian shuttler tan Japan khawpuia inlan phak tur chuan result ṭha neih a ngai takzet.

Spain-ah hian Sourabh Verma leh B Sai Praneeth te bakah hmeichhe doubles pair Ashwini Ponnappa leh N. Sikki Reddy te chu an inlan ve bawk ang.