Poirier vs McGregor 2: A thleng dawn ta

UFC khawvela fight ngaihven hlawh Poirier vs McGregor 2 chu Pathianni zing dar 8:30-ah en theih a ni dawn ta a, UFC 257-ah MMA fighter rothap Conor McGregor leh boruak nei lian Dustin Poirier-te an intawng dawn. 

Kum 2014 khan McGregor hian minute hnih chhung lekin Poirier hi a lo hneh tawh a, a vawi hnih nan an intawng leh dawn. Mahse, Irish fighter chuan, "Poirier hi fighter hlauhawm tak a ni a, rei tak fight hmachhawn turin ka inbuatsaih a ni," a ti a, an intawn hmasak ai khan American fighter chuan hma a sawn thu a sawi. 

McGregor chuan hnehna erawh a chan ngei tur thu sawiin, "Tun ang reng reng hian ka ṭha ngai lo - fight hmuhnawm pho chhuak turin ka lo kal e," a ti a, a hmachhawn tur Poirier chuan, "Ka theihna tak tak ka pholang dawn a ni," tiin tlawm nawn a tum loh thu a sawi ve bawk.

Kum 32 mi McGregor hian MMA fight vawi 26-ah vawi 22 hnehna a chang thei a, vawi li a tlawm. Kum 32 mi tho Poirier hian fight vawi 33-a hmachhawnah vawi 26 hnehna a chang a, vawi ruk a tlawm a, vawi khat chu a khingpui Eddie Alvarez chet dan avangin 'no contest'-ah puansak a ni.