India hlawhtling rih lo

World Athletics Champion-ships 2019 neih laiah nimin tlai thleng kha chuan India a la che fuh thei rih lo. Hmeichhe fei khawh (javelin) lamah Annu Rani chuan final round lut phak mah se medal a hlawh chhuak zo lo.

Annu hi India nula zinga final round lut thei hmasa ber a ni a, medal la tur erawhin a khawh thui tawk lo, infiammi 12 inlan zingah pariatna dinhmun a luah. Australia nula Kelsey-Lee Barber chu pakhatna niin a khawh thui berah 66.56m a khawh phak a, Annu erawhin 60.40m bak a tlin lo.

India infiammi dang Avinash Sable chuan 3000m Steeplechase huangah final a lut bawk a, ani pawh hi medal la tur chuan final round an neih hunah a chet ṭhat a ngai dawn a ni.