India leh England inhnehtawk

Thawhlehni zan khan India nula hockey khel thiamte chuan a vawi thum nan England an hmachhawn a, ram pahnih hi goal khung loin an inhnehtawk. Nizan khan an match lina an khel a, result kan hre hman lo.

India coach Sjoerd Marijne-a'n FIH Olympic Qualifiers khel tura inbuatsaih an nihna a hrechiang a, a player neih ṭhat a chhawr kual. Lalremsiami Hmar chu inkhel bul ṭantu zingah a tel lo, match hmasa zawka goal khungtu Siami hi a vannei nawn tawh rih lo a ni.

Great Britain-a tour an neihah India hian match nga an khel dawn, an match hmasa berah India hian 2-1 in hnehna an chang a, match hnihna leh inkhelh vawi thumnaah chuan chak zawk an awm lo - ram pahnih an inkhel tawk thei hle.

FIH Olympic Qualifiers khel turin India nula te hi an tling tawh a, tuna tour an neih hi chu qualifier atana inbuatsaihna a ni. November 1-2 chhung hian India hmeichhe team hian world number 13 United States nen Olympic qualifier hi an khel ang.