Mizoramin fiahna patlang lo

Vijay Hazare Trophy-ah nimin khan Mizoramin Puducherry an hmachhawn a, wicket 10-in an chak lo. 

Dehradun-a inkhelah Puducherry hi ṭhum-vawrah an chak a, vawm hmasak an thlang. Mizo batsman-te an che thei lo a, Mizo zingah run 10 vaw tling thei pawh an awm lo a, state pawn player zinga khel ṭha ber Taruwar Kohli pawhin run 28 chauh siamin Parvez Ahmed-a'n run 12 siamin a dawt.

Mizoram hi over 33.2 lekah an thi fai vek a, run 67 chauh an siam. Puducherry bowler-te an che ṭha vek tihin an sawi theih a; Vinay Kumar (14/3), D Rohit (2/3), SV Trivedi (16/2) leh AR Sanganakal (15/2) ten wicket an la.

Target a tlem avangin Puducherry tan hna harsa a awm lo. Opener V Marimuthu leh P. Dogra ten run 44 leh 24 siamin over 13.2 lekah target hi an umpha a ni. Mizoram hian match hmasa berah Arunachal Pradesh an hneh a, hemi hnu hian Assam leh Puduchhery lakah an tlawm tawh.

Mizoram hian October 4, Zirtawpni hian Uttarakhand an hmachhawn dawn. Uttarakhand hian wicket sariha Assam an hneh tawh avangin Mizoram tan chak a harsa ang.