India junior hockey team-ah Mizo pathum
Hockey India chuan tun hnai khan national camp atan hmeichhe junior player 33 a ko khawm a, an zingah hian Mizo player pathum - F. Ramenmawii, Marina Lalramnghaki leh Lalrindiki Renthlei te an tel.
India team hian Sports Authority of India, Bengaluru-ah training an nei mek a, October 26 thleng training hi an nei chhunzawm ang. He huna ti ṭha zualte chu Australia rama zin chhuak tura thlitfim leh an ni ang.
December 3 aṭanga khelh tur Three-Nations Tournament-ah India junior team hi an inlan dawn, inelna thlengtu Australia leh New Zeland te nen an inkhel ang. He hun atana inbuatsaih nan hian Australia-ah hian tour an lo nei lawk dawn a ni.
Mizo goalkeeper F. Ramengmawii chu hliam vangin a inlan zui thei dawn lo. Lunglei tleirawl hi a dar hliam zai a ni a, amah enkawltu doctor chuan thla ruk chhung vel inkhel rih lo turin a ti. F-i chuan, "A rang thei ang bera dam theih ka duh, chumi tur chuan ka in enkawl uluk angai," tiin Vanglaini a hrilh.
India Junior Squad:
Goalkeepers: Rashanpreet Kaur, Khushboo, F. Ramenmawii.
Defenders: Priyanka, Simran Singh, Marina Lalramnghaki, Gagandeep Kaur, Ishika Chaudhary, Jotika Kalsi, Sumita, Akshata Dhekale, Usha, Parneet Kaur.
Midfielders: Baljeet Kaur, Mariana Kujur, Kiran, Prabhleen Kaur, Preeti, Ajmina Kujur, Vaishnavi Phalke, Kavita Bagdi, Baljinder Kaur, Sushma Kumari.
Forwards: Mumtaz Khan, Beauty Dungdung, Gurmail Kaur, Deepika, Lalrindiki, Jiwan Kishori Toppo, Rutuja Pisal, Sangita Kumari, Yogita Bora, Annu.