Man City-ah ka châm dawn - Pep

Financial Fair Play dan bawhchhiat avangin Manchester City chu tun season zawh aṭangin kum 2022 thleng European football khel thei lo turin an hrem. English club hi Court of Arbitration for Sport hnenah an zualko dawn a, hremna pumpelh tumin hma an la mek.

Man City manager Pep Guardiola chu chhuak tura sawi thawm a ri reng a, amaherawhchu Spanish chuan, "Khawi league-ah pawh min dah se Man City-ah ka cham dawn. League Two-ah pawh awm ila ka cham tho ang. Tun hi inpumkhat hun a ni," tiin chhuahsan a tum loh thu a sawi.

City CEO Ferran Soriano chuan, "Ka rin ang che u hian min ring ve rawh u. Hremna hi min hlihsak ang," tiin hremna an pumpelh a rin thu a sawi. Premier League champion lai Manchester City hian zanin dar 1:00 hian West Ham an mikhual ang.