Sachin Tendulkar tan chawimawina
Khawvela sports lama chawimawina ngaihhlut, Laureus Award sem a ni a - cricket legend Sachin Tendulkar chu a temamate-ten World Cup 2011 an champion hlimin lawmpui nan an zawn kual a, cricket inelna liana an champion an lawm laia an chet velna hi tun hnai kum 20 chhunga ‘Laureus best sporting moment’ atan thlan a ni.
Kum 2011 World Cup-ah khan Sachin-a’n a vawi rukna leh a hnuhnung ber atan a inlan, final-ah Sri Lanka nen inhmachhawnin a che fuh vak lo. Mahse, Mahendra Singh Dhoni kaihhruaina hnuaiah hlawhtlinna an chang.
Wankhede Stadium chhunga inkhel entu fans an sapatal a, India player dangte chuan Sachin hi an kokia zawn kualin khelmual an fan pui - India tan chuan a fapa rangkachakin World Cup champion a lawm lai aia hmuhnawm a awm thei tawh chuang lo.
Footballer hmasa ber Messi
Laureus Award 2020 sem zawh takah hian Lionel Messi leh Lewis Hamilton-te chu Sportsman of the Year atan thlan an ni. Ballon d'Or vawi ruk dawngtu Messi hi footballer zinga Sportsman of the Year-a thlan hmasak ber a ni. Laureus Award-ah hian Hmeichhe lamah American gymnast Simone Biles chuan a vawi thum nan Laureus Sportswoman of the Year a dawng bawk.