School inelna a hlawhtling
Mizoram Basketball Association (MBBA) buatsaih 11th Inter-School Basketball Tournament chu nimin khan final khelh a ni a, school inelna a ni bawk nen Hawla Indoor Stadium khat tlat mipui an pungkhawm.
Middle School inelnaah Holy Heart School-in Gospel Centenary School 41-36 in an hneh a, hmeichhe inelnaah St Paul's HSS-in Govt Mizo HSS chu 46-32 in an hneh chhunzawm bawk. High School inelnaah Home Mission School-in Mt Carmel HSS lakah inkhel thununin 85–67 in an chak.
Higher Secondary School inelnaah erawh Mt Carmel HSS an chesual tawh lo. Mt Carmel hian final hmuhnawm takah St Joseph HSS chu 70-66 in an hneh a, an champion.
Final - Nimin Inkhel Results
Champion Score Pahnihna
Middle School
Holy Heart School 41 - 36 Gospel Centenary School
Girls
St Paul's HSS 46 - 32 Govt Mizo HSS
High School
Home Mission School 85 - 67 Mt Carmel HSS
Higher Sec School
Mt Carmel HSS 70 - 66 St Joseph HSS