Andreescu a ding nghet

US Open hmeichhe singles champion Bianca Andreescu chu China Open-ah pawh a khel hmuhnawm zel. Nilaini zan khan Andreescu hian Elise Mertens hnehin last 16 a inhlangkai.

Player pahnih hi New York khawpuiah khan quarterfinal-ah an lo intawng tawh a, Canadian nula hian hnehna a chang. Tun ṭumah pawh che fuh zawk niin darkar khat leh minute 55 chhungin 6-3, 7-6(5) in hnehna a chang.

Ashleigh Barty pawhin Zheng Saisai lakah fiahna hautak a paltlang. World number 1 hian darkar khat leh minute 56 chhungin 2-6, 6-4, 6-4 in hnehna a chang. Chak tura rinkai dang Petra Kvitova, Kiki Bertens leh Elina Svitolina te an chak loh laiin Madison Keys erawh a tla.