Asher Smith a tlan chak ber

World Athletics Championships 2019 neih laiah Nilaini zan khan hmeichhe 200m final tlan a ni a, Dina-Asher Smith chu pakhatna niin Great Britain tan thawnthu thar a ziak.

Kum 23 mi Smith-i hian 100m-ah silver medal a lo dawng tawh a, tun ṭumah pawh hian rinkai a ni. Beisei ang ngeia tlan chakin 21.88 seconds chhungin a thleng a, British record ni nghalin an ram hmeichhe zingah khawvel huap intlansiaka gold medal dawng thei hmasa ber a ni.

Hmeichhe 200m intlansiakah hian Brittany Brown chuan 22.22 second chhunga thlengin silver medal a la a, a hnungah hian Swiss nula Mujinga Kambundji (22.51 seconds) awmin bronze medal a la ve thung.