India nulate an tlawm

England rama tour nei mek India nula hockey team chu a thlengtu ram lakah 3-1 in an chak lo. Vawiin chawhnu dar 2:00 hian an match ngana leh a hnuhnung ber atan an inhmachhawn leh ang.

Nilaini zan inkhelah Great Britain lam an che fuh zawk. Hannah Martin hmanga an goal hmahruai khung chu India-in Neha Goyal hmangin sut mah se Charlotte Watson leh Giselle Ansley te hmangin an khung belh a ni.

Olympic Qualifier atana inbuatsaihna tour-ah hian ram pahnih hi vawi nga an inhmachhawn dawn. Vawi li khelh tawhah ṭum khat ve ve hnehna changin vawi hnih dang chu an inhnehtawk, series la turin vawiina chak zawk nih hi a pawimawh ang.

England ramah hian India tan Mizo nula Lalremsiami Hmar a zin a, Youth Olympic silver medalist hian goal khat khung tawhin player pawimawh a ni.