Joseph Parker-a inhnukdawk

World heavyweight champion hlui Joseph Parker chu Dereck Chisora nen October 26-ah inhnek tura tih ni mah se damlohna avangin a inhnukdawk a, a inhnek thei dawn lo. 

Kum 27 mi New Zealander promoter Eddie Hearn chuan, "Parker hmun ruak luah tur zawngin hmalakna kan kalpui mek a ni," tiin a sawi a, Chisora hmachhawn tur a la chiang rih lo tihna a ni. WBO world heavyweight champion hlui Parker hian kum 2018 khan Anthony Joshua lakah a title a hloh a, a hnuah Dillian Whyte lakah a tlawm zui. 

Mahse, Parker hian  Alexander Flores leh Alex Leapai hneh lehin a insiamṭha a, Chisora erawh a hmachhawn thei dawn ta lo. Parker leh Chisora inhnek tur hi Josh Taylor leh Regis Prograis ten world super-lightweight unification bout an neih tura bet tel tura tih chauh a ni a, kum 35 mi Chisora hian hemi chungchangah hian a lungawi lohna a lo sawi tawh.