UEFA-in City thubuai siamsak

Europe a football thuneitu sang ber UEFA chuan Manchester City chu Champions League match-a an fan-te chet dan avangin thubuai a siamsak. 

City hian Champions League group stage match-ah Thawhlehni zan khan Dinamo Zagreb chu 2-0 in an hneh a, Etihad Stadium-ah an fan-te che mawi loin 'thil' an vawm. Zagreb fan-te an bang bik lo, City fan-te chet ang thoin an che a, thil an ti chhe nual bawk. UEFA chuan club pahnih insawifiahna hi October 17-ah an ngaihtuah ang. 

Manchester City hian Pathianni zan dar 6:30-ah league match an khel dawn a, tun season-a beisei phak lo Wolverhampton Wanderers an mikhual dawn a ni.