Marc Marquez a vannei

Pathianni chhun dar 12:30 hian MotoGP Thailand Grand Prix tlan a ni dawn a, rider championship hmahruaitu Marc Marquez chuan a title kawl lai a humhim ngei tura ngaih a ni.

Nimin chhun khan Chang International Circuit-ah tlan chhinna neih a ni. Repsol Honda rider Marquez hi a chesual a, damdawi in panpui a ngai hial. Mahse, Spanish tlangval hian hliam na lutuk a tawk lo a, inelna tak a hmachhawn theih a rinawm.

Honda team boss Alberto Puig chuan, "Chiang taka a chesul lai kha chu kan hmu vek, amaherawhchu tunah chuan a dinhmun a ṭha e. Damdawi ina kan hruai chhan chu a nat vang chu ni bawk mah se a dinhmun endik vek kan duh vang a ni," a ti.

Kum 26 mi Marquez hian season kal laia a vawi riat nan September 22 khan Aragon Grand Prix-ah hnehna a chang. Thailand GP-ah hian a chesual viau emaw a tlan tluan thei lo a nih ngawt loh chuan world champion a nihna a nemngheh leh ngei a rinawm.

•    Hnehna a chanin

•    Pahnihna ni se, Dovizioso chu pathumna chin a nihin

•    Pathumna ni se, Dovizioso chu palina chin a nihin

•    Palina ni se, Dovizioso chu pangana chin a nihin

•    Pangana ni se, Dovizioso chu pasarihna chin a nihin

•    Parukna ni se, Dovizioso chu pariatna chin a nihin

•    Pasarihna ni se, Dovizioso chu pakuana chin a nihin

•    Pariatna ni se, Dovizioso chu 10-na chin a nihin

•    Marquez hi 14-na daih pawh ni se, a elpui Dovizioso hi a hnunga a awm chuan a champion thei tho.

 #    Rider    Ram    Team    Points

1    Marc Marquez    Spa    Honda    300

2    Andrea Dovizioso    Ita    Ducati    202

3    Alex Rins    Spa    Suzuki    156

4    Danilo Petrucci    Ita    Ducati    155

5    Maverick Vinales    Spa    Yamaha    147

6    Valentino Rossi    Ita    Yamaha    137

7    Fabio Quartararo    Fra    Yamaha-SRT    123

8    Jack Miller    Aus    Ducati-Pramac    117

9    Cal Crutchlow    GB    Honda-LCR    98

10    Franco Morbidelli     Ita    Yamaha-SRT    8