October 14-ah Indian football chiang dawn

All India Football Federation (AIFF) leh Asian Football Confederation (AFC)-te chuan Indian football kalphung tur an duan chu October 14 hian an puang zar dawn a, Indian Super League leh I League kara buaina awm reng chu chinfelin a awm dawn tihna a ni. 

AIFF hian AFC hmunpui Kuala Lumpur, Malaysia-ah Indian football hma hun puanzarna hi an nei dawn a, he hunah hian ISL leh I League club aiawh ṭheuhte chu tel turin an sawm.  Thla hmasa khan AIFF president Praful Patel leh general secretary Kushal Das chuan AFC general secretary Dato Windsor John chu India-a rawn zinin titi puina an nei a, he thutlukna hi an siam ta a ni. 

AIFF lamin chiang takin ISL chu league sang ber nih tir an tum tih an tichiang tawh a, 2019-20 season aṭang chuan ISL champion-in AFC Champions League qualifier an khel tawh dawn a ni. I League club ten AIFF laka an lungawi lohna vawi tam an lantir tawh a, Kuala Lumpur-a Indian FA thutlukna puan tur hian eng ang takin nge a nghawng ang, tih chu thil hriat châkawm tak a ni ta.