Kolasib zin hmain round hnih
Mizoram Premier League Season 8 round 6 chu Kolasib-ah khelh a ni dawn a, hemi hma hian kar khat chiah awm tawhin round hnih khelh a la ni dawn. Tunkara inkhel result hian Kolasib boruak a nghawng pha ang.
MPL hi Champhai, Lunglei leh Serchhip-ah te khelh a ni tawh a, October 18 leh 19 hian Kolasib District Sports Stadium-ah khelh a ni ang. Kolasib vanneihna chu round 6 fixtures a fuh a, en a châkawm hle. Match hmasa berah hmahruaitu Mizoram Police hnuai chiaha awm pahnih FC Venghnuai leh Aizawl FC ten an khel dawn. MPL ṭan hmaa Kolasib tlawhtu Chanmari FC-in Chawnpui FC an hmachhawn chhunzawm ang.
October 19, Inrinniah Lalsangzuala Hmar enkawl Electric Veng FC leh Ramhlun North te an inkhel ang a, a tawp kharnaah en châkawm ber hmahruaitu Mizoram Police leh Chhinga Veng FC inkhel thlir tur a awm dawn.
ROUND 4
October 8, Thawhlehni
Chawnpui FC 4:00 PM FC Venghnuai
Aizawl FC 7:00 PM Chanmari FC
October 9, Nilaini
Ramhlun North 4:00 PM Mizoram Police
Chhinga Veng FC 7:00 PM Electric Veng FC
ROUND 5
October 10, Ningani
FC Venghnuai 4:00 PM Chanmari FC
Aizawl FC 7:00 PM Chawnpui FC
October 11, Zirtawpni
Mizoram Police 4:00 PM Electric Veng FC
Ramhlun North 7:00 PM Chhinga Veng FC
ROUND 6 - Kolasib
October 18, Zirtawpni
FC Venghnuai Vs Aizawl FC
Chanmari FC Vs Chawnpui FC
October 19, Inrinni
Electric Veng FC Vs Ramhlun North
Mizoram Police Vs Chhinga Veng FC