UFC 243-ah Adesanya a ropui

Kum 30 mi Israel Adesanya chuan MMA-a a record ropui a chhawm nung zel a, vawi 18 fight a hmachhawna a vawi 18 chakna ni turin nimin khan UFC middleweight champion Robert Whittaker a tuk dawl. 

Melbourne, Australia-a fight hmuhnawmah hian Israel hian round hnihnaah hnehna a chang a, round hnihna minute thum leh second 33-naah Whittaker hi a knockout a ni. UFC 243 hi mipui 57,127-in a hmunah enin record a ni a, UFC 193-a mi 56,214-in tuna fight an neihna hmun tho Marvel Stadium-a fight an en record kha a khum. 

New Zealand fighter Israel chuan, "Whittaker khan kan beisei ang ngeiin a rawn khel a, mahse a plan zawng zawng, A aṭanga Z thlengin kan hre kim vek a ni," tiin hnehna chang tura an inbuatsaih nasat thu a sawi. Adesanya hian Brazilian fighter rothap Paulo Costa chu a hmachhawn leh tur a ni dawnin a lang a, 'The Eraser' tih hminglem an pek hian vawi 13 fight a neihah ngam loh a la tawng lo.