Golovkin a champion leh ta

Gennady Golovkin chuan nimin khan Sergiy Derevyanchenko chu unanimous decision ( 114-113, 115-112, 115-112)-a hnehin IBF middleweight title awl a hlawh chhuak a, champion a ni leh ta. 

Kum 37 mi Golovkin hian September 2018 khan Las Vegas khawpuiah Saul Alvarez a ngam lo tawh a, Mexican boxer rothap laka a tlawm hnua a inlan hmasak berah title a nei let lehnghal. Golovkin hi nikum khan a IBF title kawl lai chu Derevyanchenko a hmachhawn duh loh avang hian hlihsak a ni a, mahse a lo inhnehtawkpui tawh Alvarez nena rematch neih a thlang zawk. 

Hei vang hian a kawnghren hi hlihsak a ni a, nimin khan Madison Square Garden-ah a nei let leh ta a ni.