US coach Jill Ellis a chhuak ta
USA hmeichhe team enkawltu coach Jill Ellis chuan a tawp nan US hmeichhe team a kaihruai a, friendly match-ah South Korea chu 1-1 in an inhnehtawkpui.
Kum 53 mi coach hian kum 2014 khan US hmeichhe team hi a enkawl ṭan a, kum 2015 leh 2019 World Cup-ah nomawi a chawipui ve ve. US-a kaihhruai match 132-ah vawi 106 hnehna a chang thei a, kum nga chhungin tournament pariatah a champion pui a, Best FIFA Football Awards 2019-ah khan hmeichhe coach ṭha bera thlan a ni.
Ellis hian, "He team enkawla, player thawkrim tak takte thawhpui hi damchhung chawimawina tling a ni," tiin US team a chhuahsan tur thu a sawi khan a lo sawi tawh. England-a piang, tleirawl a nih laia USA-a pem ta Ellis thlaktu tur coach hi he thu buatsaih thleng hian puan a la ni lo.
Ellis & US champion-na
2015 Algarve Cup; Fifa Women's World Cup
2016 CONCACAF Women's Olympic Qualifying Championship; SheBelieves Cup
2018 SheBelieves Cup; Tournament of Nations; CONCACAF Women's Championship
Nations
2019 FIFA Women's World Cup