Forlan-a'n Indian football a vei

Uruguayan legend Diego Forlan chuan India ramin football-a hma a sawn dawn chuan grassroot lama hma lak leh coach ṭha neih an mamawh thu a sawi. 

Indian Super League club Mumbai City tana lo khel tawh striker chuan, "Grassroot aṭanga bul an a ngai a, chumi tur chuan coach ṭha an ngai bawk," a ti. Atletico Madrid striker hlui chuan India ramin hmun ṭha an mamawh thu sawi zuiin, "Inkhelhna tur hmun leh bungraw ṭha in mamawh tel. Mumbai khawpuiah ringawt pawh chutiang chu paruk tal a awm a ngai a ni. 

"National team-in tun aia match tam zawk khelh an mamawh a, mipui thlawpna a ṭul bawk. Chutihrual chuan in ram chhungah football atchilhna hmun tam tak a awm a, chungah chuan hmalak nasat lehzual a ngai a ni," a ti. 

Forlan hian South America lamah coaching course a buaipui mek a, Europe-ah tih chhunzawm a tum thu a sawi. A vanglaia Europe-a striker ṭha ber pawl chuan, "India rama coach nih pawh ka hreh lo ang," tiin a sawi.