Bale-a'n chhuah a duh

Spanish chanchinbu lar AS chuan Gareth Bale-a'n Real Madrid chhuahsan ngei a duh tawh niin a tarlang a, nipui transfer inhawn ruala chhuah dan tur a ngaihtuah dawn.

Bale hi Champions League-a Club Brugge nen an inkhelh ṭumin squad-ah telh a ni lo a, Welsh forward hi coach Zinedine Zidane thutluknaah a lungawi lo. Club Brugge nen an inkhelh ṭum hian Santiago Bernabeu-ah inkhel en tura kal tura hriattir a ni tho a, mahse Bale hi a tlai lui ngat!

Spanish TV show Deportes Cuatro chuan Bale-a'n Bernabeu-a pan lai hi video-in an lo la hman a, hetihlai hian minute li vel an inkhel tawh. Nipui transfer liam taa chhuah tum tawh Bale hian La Liga bikah chuan rin aiin hmun a chang tam a, league match riat an khelhah vawi ruk a inlan a, goal hnih a khung a, assist vawi hnih a nei tawh bawk. 

Inrinni zana Granada nen an inkhelah Bale hi lakchhuah a ni a, fan-te lawm a hlawh hle - hetihlai hian Spanish media ṭhenkhat chuan Real hian Bale thlak turin Manchester City forward Gabriel Jesus an beisei niin an sawi leh der tawh!