Vawiinah round 5 an khel ṭan dawn
NECS ADFA I Division League chu vawiin hian RG Stadium, Mualpuiah round 5 khelh a ni dawn a, inkhel pahnih a awm ang.
Chhun dar 12:00-ah hneh la nei lo Young Star United leh an chung chiaha awm 1st MAP Academy te an inkhel dawn, a chak lo zawk tan semifinal beiseina a bo tawh ang.
Match li khelh tawha hmahruai mektu Aizawl FC Academy leh semifinal beisei ngam zinga mi Sihphir Venghlun FC ten match hnuhnung zawk an khel dawn. Champion lai AFC hian hnehna an chang a nih chuan a sang pali zinga tel tlang turin an dinhmun a ṭha tawh thung dawn a ni.
Vawiin Inkhel Tur
Youngstar United FC, ITI 12:00 PM 1st Bn MAP Academy FC
Aizawl FC Academy 02:00 PM Sihphir Venghlun FC
October 10, Ningani
Kanan FC 12:00 PM Bethlehem Vengthlang FC
Dinthar FC 02:00 PM FC Bethlehem