Fury vs Strowman - WWE an barakhaih

British heavyweight boxer Tyson Fury chu rin loh lamah a hmel kan hmu a, Thawhṭanni zan khan WWE Raw-ah wrestler lar Braun Strowman nen an insual. 

Hriat tel atana ṭha erawh WWE hi mipui en chak zawnga duan a ni a, boxing ring chhung leh UFC octagon chhungte nen ang khata en chi a ni lo. Fighter pahnih hi ring chhungah thinrimin an inchhang phawt a, a hnuah ṭhelh ngaiin an intibuai. Karhmasa khan SmackDown-ah Fury leh a chhungte an kal a, hemi ṭum hian Fury leh Strowman kara buaina thawnthu hi a inṭan a ni. 

Khawthlang media-te tarlan dan chuan Fury leh Strowman hi tun thla tawp lam hian Saudi Arabia-ah wrestling-ah an inhmachhawn dawn a, a tih 'hot' nan story an lo siam ṭan niin a lang. Kum 31 mi Fury hian September khan Otto Wallin chu point hmangin a hneh a, boxing ring chhunga a hmachhawn leh hmasak ber turin Deontay Wilder hming an lam ri ring hle.