Ratchanok Intanon a fihlim

Badminton hmeichhe world champion hlui Ratchanok Intanon chu damdawi hman phal loh chungchangah endik a ni a, hre reng chunga tihsual a nei lo tih hmuh chhuah a ni.

Kum 24 mi Intanon hi a sa (meat) eiah damdawi chi khat clenbuterol a tel tih hriat a ni, he damdawi hian taksa a thau (fat) awm a tih tlem bakah tihrawl a siam thei. Damdawi hman phal loh hman leh hman loh chungchang endiktu pawl lam chuan Intanon hi May thla khan endik turin an lo tih tawh a, nimin khan a chungchanga an thil hmuh hi an puang.

Badminton World Federation chuan, "Thil sual leh ngaihthah vanga tih dik loh luih a nei lo," an ti. Intanon-i thil eina hmuna ei ve midang pariat pawh endik an ni a, anni pawh hi clenbuterol an ei tel tih hriat a ni - hei vang hian tih luih thila ei a ni lo tih a chiang.

Tun hmain Intanon hian hetiang lam boruak hi a lo nei tawh. Corticosteroid vanga hrem a nih hnuah Rio Olympic-ah khan a inlan thei hlauh. World number 5 nilai hian August thla a khelh zawh tak World Championships-ah khan bronze medal a dawng a ni.