Quarterfinal-ah Coco Gauff

Tleirawl tennis khel thiam Coco Gauff chuan a vawi khat nan WTA Tour quarterfinal a inhlangkai. Kum 15 mi hian Linz Open-ah 4-6 6-4 2-0 in Kateryna Kozlova a hneh.

Nilaini zan inkhelah Gauff a chungnung zawk a, set hnuhnung ber an khelh laiin a khingpui hi a ke na vangin a khel zui thei lo. American player hian quarterfinal-ah chuan Kiki Bertens a hmachhawn thei dawn. Nizan khan world number 3 Bertens hi a inlan a, result kan hre hman lo.

Quarterfinal a luh avangin karleha ranking chhuak tharah Gauff hi number 94 a ni phak tawh dawn, kumin tawp lamah a khel ṭha chhunzawm a nih chuan season thara khelh tur Australian Open atan qualifier khelh ngai loin a tling thei ang.

Gauff hi a vannei hle, Linz Open-ah hian qualifier a paltlang zo lo. Mahse, seeded chang phak zinga mi Maria Sakkari chu hliam vangin a inhnukdawk a, a hmun ruakah Gauff hi a inlan thei hlauh a ni.