Portugal tan chak a ngai

European champion Portual-in beisei angin Euro qualifier an khel ṭha nghal lo a, zanin dar 12:30 hian Lisbon khawpuia stadium hmingthang Jose Alvalade Stadium-ah Luxembourg an mikhual dawn.

Group B-ah Portugal hi pahnihna an ni mek, hmahruaitu Ukraine chu point nga zeta an phak loh mek avangin point hloh a hun tawh lo. Luxembourg erawh pahnihna an ni a, team nem zawk an nih bawk avangin Cristiano Ronaldo awmna team hneh chu a awlsam lo ang.

Portugal coach Fernando Santos chuan, "Tumah team ṭha bik kan awm lo, a nem deuh chu an awm a ni mai thei. Mahse, qualifier khel chin hi chu inhneh tawn thei vek kan ni," tiin an mikhual chu zuam sual theih an nih thu a sawi.

Santos hian tlarhmaah Ronaldo a neih avangin a thlamuang ang. Atletico Madrid forward  Joao Felix, Manchester City midfielder Bernardo Silva bakah Bruno Fernandes leh Ruben Neves te an la neih bawk avangin goal khung kawngah chuan harsatna an nei lo ang.