Milan coach thar Pioli

AC Milan chuan Stefano Pioli chu an coach thar atan an lalut a, Inter Milan pawh enkawl tawh ṭhintu hian manager chhuak ta Marco Giampaolo hmun ruak a luah dawn a ni.

Nipui lai kha Milan hian Giampaolo hi an ruai ṭan chauh. Mahse, Serie A match sarih khelh tawhah vawi thum hnehna changin vawi li ngawt an tlawm tawh, table-ah 13-na daih an ni - coach an neih tawh zinga hna chelh rei lo ber ni turin an ban.

Manager thar Pioli hi San Siro-ah a mikhual dawn lo, 2016-17 khan Inter a lo enkawl tawh. Lazio leh Fiorentina pawh enkawl tawhtu hian tunah chuan chona thar a hmachhawn ang.