Silva hun an pek belh

Manchester City midfielder Bernardo Silva chu Football Association-in a khelhpui Benjamin Mendy chungchanga a fiamthu avangin thubuai siamsak mah se October 21 thleng insawifiah turin hun a pek belh. 

FA thu chhuak hmasaah chuan Portugal international hi October 9 thleng hun pek a ni a, mahse English football thuneitute hian an pawhseisak leh ta a ni. Kum 25 mi Silva hian a ṭhianpa Mendy chu Spain leh Portugal-a sweet brand lar tak Conguitos kawra cartoon lem nen a tehkhin a, hei hi fiamthu thawh nan twitter lamah a hmang. 

Monaco tan an khelh dun lai aṭang tawha ṭhian ṭha tak an nih avangin Mendy hian Silva thil tweet hi a huat loh thu a sawi a, mahse FA lam hian Silva thil tarlan hian vun rawng leh sakhua inhmuhsitna chungchanga an dan kalpui lai a bawhchhiaah an ngai a ni.