Wolves-in striker thar lalut

Wolverhampton Wanderers chuan Real Sociedad aṭangin striker Willian Jose chu tun season tawp thleng khel turin loan hmangin an lalut. English club tan kum 28 mi striker hi a ngheta lakluh theih dan a awm.

Brazilian striker hian kum 2016 khan La Liga club hi a zawm a, match 170 khelhah goal 62 a khung a, heng zingah hian tun season-a a goal ruk khung tawh pawh a tel. Nuno Espirito Santo kaihhruai team hi an striker rinrawl Raul Jimenez lu ruh a khik avangin tlarhma thuam chak hi an mamawh hle.

Wolves hian Zirtawpni zan FA Cup-ah club tenau Chorley chu Vitor Ferreira goal hmangin 1-0 in an hneh a, January 27, Nilaini zanah Chelsea an lenchilh dawn. Stamford Bridge-ah striker thar Wilian Jose hi a la inlan theih a beiseiawm loh.