Chhinga Veng an chak chiang

Mizoram Premier League Under 18-ah Chhinga Vengin nimin tlai khan Ramhlun North 5-2 in an hneh a, inkhel dangah Mizoram Police FC leh Electric Veng FC te 1-1 in an inhnehtawk.

MPL U18-ah hian round 1-ah goal sarih chiah a lut a, round 2-ah erawh goal 21 lutin a let thumin a pung. Police leh Electric Under 18 team inkarah ṭha zawk an awm lo a, Police tana John Lalthantluanga goal khung chu Stain Lalruatfela hmangin Electric Vengin an sut.

Inkhel hnuhnung zawkah Chhinga Veng an chungnung a; Joseph Lalvenhima, R. Swapna Jeevan leh Lalnunzira ten goal khat ṭheuh an khung bakah Lalawmpuia Sailo-in goal hnih a khung. Ramhlun North tana Lalpekhlua Jongte leh Lalrinpuia te goal khung chu scoreline tih mawina chauh a ni.

Mizoram Police FC    1-1    Electric Veng FC

MPFC : John Lalthantluanga 56'

EFC : Stain Lalruatfela 72 '

Ramhlun North FC    2-5    Chhinga Veng FC

RNFC : Lalpekhlua Jongte 58'; Lalrinpuia 67'

CVFC : Joseph Lalvenhima 34'; R. Swapna Jeevan 36'; 

   Lalnunzira 45+1'; Lalawmpuia Sailo 61', 86' (P)