Footballer Lalbiaktluanga a thi

MPL-a goal hmasa ber khungtu Lalbiaktluanga chu nimin tlai dar 3:15 khan a thi a, vawiin chhun dar 12:00 hian Electric Veng thlanmualah vui a ni ang.

Kum 33 mi Biaka hi SAIL Football Academy chhuak a ni a, kum 2006 khan professional football contract ziak tura Goa-a a awm laiin thih ngamin a accident. Mizoramah rawn hawin Electric Veng FC, Dinthar FC leh Luangmual FC tan te a khel a ni.

Kum 2010 Red Ribbon Football-ah Biaka hian Electric Veng champion puiin final-ah goal ropui khungin best player-ah thlan a ni. A chanchina hriat reng tur chu MPL match hmasa ber October 24, 2012-a khelh a nih khan Luangmual FC tan khelin minute 32-naah Chanmari FC lamah goal hmasa ber a khung.