Vawiinah Mary Kom inlan dawn
MC Mary Kom chuan vawiin chawhma dar 10:45 hian Women’s World Championship-ah semifinal a khel dawn a, Manipuri boxer hian 51kg huangah Thailand nula Chuthamat Raksat a hmachhawn ang.
India boxer chhuan-vawr hi kuminah seeded pathumna pek niin a vawi sarih nan world champion nih leh a tum mek a, a khingpui tur hi European champion Busenaz Cakiroglu a ni thung - Kom aiin seeded pawh pek san a ni a, pahnihna a ni.
India coach Moham-med Ali Qamar chuan, "Kan naute an khel ṭha em em vek a, final an luh ngei ka beisei a ni," a ti. Kom-i bakah hian Manju Rani (48kg), Jamuna Boro (54kg) leh Lovlina Borgohain (69kg) te pawhin semifinal hi an khel vek ang.
Vawiina India boxer inlan hun
51kg : Mary Kom (India) 10:45 AM Busenaz Cakiroglu (Turkey)
48kg : Manju (India) 03:30 PM Chuthamat Raksat (Thailand)
54kg : Jamuna (India) 04:00 PM Huang Hsiao-Wen (Chinese Taipei)
69kg : Lovlina (India) 05:00 PM Yang Liu (China)