Inaki Williams-a'n Barca a hnar

Tlarhma lama player thar melh mek Barcelona chu Inaki Williams nen sawi zawm ni mah se Athletic Bilbao forward chuan a club chhuahsan tumna a neih loh thu a sawi a, "Ka tan chuan Athletic hi engkim chungah a awm a ni," a ti. 

Barcelona hian an forward Ousmane Dembele inhliam avangin player thar lakluh theihna dan an nei a, mahse free agent an nih loh chuan La Liga club aṭang ngeia lakluh a ngai thung. 

Catalan club hi Real Sociedad player Willian Jose, Alves forward Lucas Perez leh Leganes player pawimawh Martin Braithwaite te nen pawh sawi zawm an ni a, tun hnaiah Inaki Williams hming a lang. 

Mahse, Manchester United nen pawha sawi zawm lo hlawh tawh forward chuan, "Barca chu Barca an ni a, khawvela player ṭha ber Messi an kawl bawk. Mahse, Athletic hi ka tan chuan engkim chungah a awm. 

"Messi hian ka club khelhnaah a khel ve duh a nih chuan lakluh ka duh zawk a ni," tiin a sawi a, kum 25 mi forward hian amah chher liantu club hi chhuahsan a tum loh hmel hle.