Juventus-ah Can a hlim lo

Emre Can chuan Juventus-ah a hlim tawk loh thu a sawi. Germany international hi tun season-ah Turin club tan a inlan phak meuh lo a, transfer bazar inhawn leh hunah a chhuak a nih pawhin a mak lo ang.

Kum 25 mi midfielder Can hi Serie A match thumah chiah a la inlan a, a bul ṭantu zingah a la tel lo. Champions League squad-ah telh a ni lo bawk a, manager thar Maurizio Sarri hnuaia league match a khelh tawh zat belhkhawm chu minute 78 chauh a ni.

Liverpool tan pawha khel tawh Can chuan, "Tunah hian Juventus-ah ka hlim lo, hei aia inkhelh hnem hi ka duh. Season hmasa khan ka khel hnem, a bik takin match pawimawh pawh ka khel hnemin ka che chhe lo bawk.

"Mahse, tunah hian en kan ka ni a, rin ka hlawh lo bawk. Heti chung hian kan ram coach Joachim Low chuan ka chungah rinna a la nghat ngam, a lakah ka lawm hle," tiin a sawi. Can-a telna Germany hian Argentina chu friendly match-ah 2-2 in an inhnehtawkpui zo chiah a, Pathianni zan dar 12:15 hian Euro qualifier atan Estonia an lenchilh ang.