Taekwondo Championship zo fel

Ni thum chhung awh Mizoram Official Taekwondo Championship & 13th Mizoram Poomsae Championship chu nimin khan zawh fel a ni. A pumpuiah Ramhlun Sporting Club-Taekwondo an champion.

Inelna hi MATA Hall, Republic Vengthlangah neih a ni a, Ramhlun SC hian season nga hnua an champion lehna hmasa ber tawng tur hian point 1208 an hmu. Weight tina gold medalist-te chauhin an chuh theih - Champion of Champions 2019 title zawnnaah SYS Academy player Vanlalmawipuia chuan 2019 title a la a, ani hi Under 63 gold medalist niin CoC title final match-ah under 54 gold medalist PC Lalmuanawma, SAI Aizawl chu 6-4,8-5,9-8 in a hneh.

Hmeichhe champion lai Kaplianzawni'n a title a humhim a. CoC final-ah a teammate under 47 gold medalist Lalkroshlui RSC chu 5-3, 5-3, 8-4 in a hneh ve thung a ni. Inelna dang poomsae championship vawi 13-na lamah a thlengtu Republic Vengthlang Taekwondo Club chuan point 880 hmuin a vawi khat nan an champion.