Sharapova tan season a tawp

Maria Sharapova chu tun season chhungin a inkhel thei tawh dawn lo. Russian nula hi karleha khelh tur Luxembourg Open-ah inlan ngei tum mah se a inhnukdawk leh a, a tan season a tawp chhunzawm.

World number 1 hlui Sharapova hi a dar (shoulder) na vangin a chawl rei ta hle. Piatti Tennis Center-ah tennis ball chu a vaw leh thei tawh, amaherawhchu duhthusama ṭhain a la dam tawk lo - match pangngai nei turin a la inpeih lo a ni.

Grand Slam vawi nga champion tawh Sharapova hi US Open-ah khan Serena Williams hneh loin a tla a, a hnu lamah a la inkhel leh lo. Season kal laiah Grand Slam khelh tur a awm tawh lo a, atan kum thar nghah tlang hi thutlukna dik a nih a rinawm.

Luxembourg Open aṭang hian Angelique Kerber pawh ke na vangin a inhnukdawk. Kerber leh Sharapova an inlan theih dawn loh avang hian tleirawl beiseiawm Coco Gauff leh Catherine McNally te chu main draw atan an tlin theih phah.