Biles chungnung zel

Simone Biles chu infiamna khawvelah mi bik a ni zel. American artistic gymnast hian World Championships-ah individual all-around gold medal a la leh ta a, khawvel huap inelnaah hian a vawi nga nan a chungnung ber.

Stuttgart khawpuia inelna neihah kum 22 mi Biles hian point 58.999 a nei a, China nula Tang Xijing aiin 2.1 in a ti ṭha zawk; pathumna chu Russian mi Angelina Melnikova a ni thung. Biles telna United States chuan gold medal an dawng tawh bawk, world title 16 a la tling ta chiah a ni. Biles chuan, "Ka tan chuan sawi thiam har khawpa lawmawm a ni, medal hi la ve nual tawh mah ila eng pawh mai hi a hlutna a nep chuang lo," a ti.