NT-a fight hun tur a hnai

Mizo boxer lar NT Lalbiakkima chuan fight a hmachhawn leh hnai tawh a, Siaha tlangval hian, "Fight liantham tak a ni dawn a, kan title chuh tur tak erawh puan zar a la rem rih lo a ni," tiin Vanglaini a hrilh. 

NT Biakkima hian professional boxing a luhchilh hnuah match khat a khel tawh a, December khan a fight hmasa berah minute khat leh second 25 chhungin hnehna a chang. 

Siaha tlangval thawhpuitu Marine Pro Boxing Promotions chuan social media lamah NT-a fight neih tur thu hi an puang a, "February-ah puan a ni ang," an ti a, Mizo boxer fight hmachhawn tur chu Indian boxing-a thil thleng langsar tur a nih thu an sawi bawk. 

Marine Pro Boxing Promotions neitu Devraj Das chuan, "Title lian tham pahnih a chuh dawn tih a sawi theih a, a hun leh a hmun, a khingpui tur hming nen February kar hmasa berah kan puang dawn thung," tiin Vanglaini a hrilh.