Mumang rama cheng Jesus a ṭap

Real Madrid chuan an player thar Reinier Jesus chu Santiago Bernabeu-ah an tlangzarh a, Brazilian rawlthar duhawm chuan a mang ram a hlawhtlin tak thu mittui nen 

a sawi .

Kum 18 mi attacking midfielder hian January khan pound maktaduai 26-in Real Madrid hi a zawm a, Thawhlehni zan khan La Liga club hian an player thar hi fan-te hmuh theih turin an pho chhuak ve chauh a ni. 

Reinier chuan, "He club ropui tak thawnthuah hian tel ve ka duh a, ka naupan lai aṭanga ka mangphan ṭhin chu a tak ram a chan tak avangin zanin hi ka tan chuan hun danglam bik a ni," tiin 

a sawi. 

July 31, 2019-a senior team tana a match hmasa ber khel ve chauh Reinier hian season hmasa khan Brazilian Serie A leh Copa Libertadores-ah Flamengo a champion pui a ni. 

Real Madrid president Florentino Perez chuan, "Naktuk lawka star ropui ni thei tur zawn zel hi nuam kan ti a ni," tiin Brazilian rawlthar chu football khawvelah a la hmingthan tur thu a sawi. 

Spanish club ṭha hian tun hnai kum hnih chhungin Brazilian rawlthar Vinicius Junior leh Rodrygo an lalut tawh bawk a, stadium sa ṭha turin an inruahman 

mek bawk.