Mizo rawltharin century siam

BCCI hnuaia kum 16 hnuai lam inelna Vijay Merchant Trophy-ah Mizoram batsman K. Vanrotlinga chuan Manipur lamah century (106) a siam a, second innings-ah captain C. Vanlalhruaia'n half century (69) a siam - an pahnih hian Ramhlun Venglai naupang an ni. Amaherawhchu, ni thum awh inelnaah hian Manipur hi run 134-in an chak.

Manipur hi ṭhum-vawrah chakin bat hmasak an thlang a, first innings-ah run 269 an vaw chhuak. Mizoram chhanletna chu run 159 a ni a, Manipur hian second innings-ah run 160 an siam. Mizoram tan target 270 chu a tam hret a, run 136 an siam tihin an thi vek.

Ramhlun Venglai rawlthar Vanrotlinga hi K. Lalbiakthanga fapa a ni a, Mizo zinga BCCI inelnaa century siam hmasa ber a ni. Hunthar rawlthar Lalrohlua (Mama) chuan second innings-ah hian run 21 chauh pein wicket ruk zet a la a, Mizoram chak zo lo mah se player ṭhenkhat che ṭha hian Cricket Association of Mizoram hruaitute a tilawm hle.