November-ah tennis inelna lian

Tualchhung tennis inelna lian leh ngaihhlut ber Aijal Club Challen-ger Tennis League khelh hun a chiang a, No­vember 25-30 chhung hian Aizawl Tennis Club-ah inelna neih a ni ang.

Inelnaah hian khaw­tual player ṭha bakah India ram chhunga player langsar ṭhenkhat chah luh an ni dawn. Category chi hrang hrang Men’s Singles, Women’s Singles, Men’s Doubles, Boys Under 16, 35+ Doubles leh Mixed Doubles hmangin inelna neih a ni dawn.

Mizoram Tennis Association bakah Aijal Club, Aidu Motors leh Zonet ten an buatsaih inelnaah hian team panga - K 12 Tennis Academy, Ngopa Warriors, Zarkawt Xenons, Chanmari Slammers leh Bethlehem Vengthlang Tennis Club te an inlan ang.

Team inelna a ni dawn a, match tin hi set khat zela khelh tur a ni a, player pakhat tan category pahnih aia tamah tel a rem dawn lo. Team tinte hian playing list-ah Mizo player pali tal an neih a ngai dawn bawk a ni.