ISL hotupa thar Bain

India rama football inelna ngaihhlut hlawh ber Indian Super League (ISL) enkawltu Football Sports Development Limited (FSDL) chuan hotu thar an nei a, Martin Bain chu chief executive officer (CEO) ni tura an ruat thu Inrinni khan an puang. 

Kum 51 mi Scottish football administrator hi football khawvelah a mikhual lo. Scottish club langsar Rangers FC-ah CEO a lo ni tawh a, Scottish Premier League-ah kum thum chhung director hna a lo chelh tawh bawk. Israeli club ṭha Maccabi Tel-Aviv-a CEO a nih laiin Champions League hial an khel a, Premier League club langsar ni ṭhin Sunderland-a CEO hna a chelh ṭhin chu a larpui a ni. 

Bain chuan, "Indian football hi tun hnaiah khan nasa takin a ṭhang a, khawvel pawhin a ngaihven ṭan a ni," tiin ISL sawmna a pawm chhan a sawi.